--- title: "Werkgewers se Tydelike Verligtingskema (TERS) tydens COVID-19 nood" url: https://hurterspies.co.za/werkgewers-se-tydelike-verligtingskema-ters-tydens-covid-19-nood/ type: post date: 2020-04-02 modified: 2024-01-12 markdown_url: https://hurterspies.co.za/werkgewers-se-tydelike-verligtingskema-ters-tydens-covid-19-nood.md author: "Wian Spies" --- # Werkgewers se Tydelike Verligtingskema (TERS) tydens COVID-19 nood Die Kommissaris van Werkloosheidsversekering het in oorleg met die uitvoerende komitee die verligtingskema ontwikkel wat bekend staan as die Coronavirus Tydelike werkgewer / werknemersverligtingskema (“Covid-19 TERS”). Hierdie skema stel vir werkgewers in staat om aansoek te doen vir voordele gedurende die grendelstaat asook na afloop van die grendelstaat om die ekonomiese gevolge daarvan te versag. **Kwalifiserende vereistes:** Die Werkloosheidsversekeringsfonds of te wel die ‘UIF’ sal hulp verleen aan benadeelde werkers deur onder andere Tydelike Werkgewer-Werknemer Verligtingskema-voordele (die sogenaamde TERS voordele). Indien werkgewers wat verplig is om die ‘tydperk van isolasie’ af te dwing en finansiële bystand nodig het vanaf die UIF, kan hulle die volgende e-posadres gebruik vir verdere basiese inligting: [covid19ters@labour.gov.za](mailto:covid19ters@labour.gov.za). ‘n Outomatiese e-pos sal teruggestuur word wat die basiese prosedure, dokumente en inligting beskikbaarstel vir belangstellendes. **Basiese riglyne vir toegang tot die UIF-fonds:** **STAP 1 :** Die volgende dokumente is nodig - ‘n Magtigingsbrief wat aantoon dat jy mag optree namens ‘n maatskappy om ‘n eis in te stel is nodig. - ‘n Voltooide ooreenkoms tussen die UIF, Onderhandelingsraad (‘Bargaining Council’) en die Werkgewer. - ‘n Voorgeskrewe vorm wat belangrike inligting van die werkgewer vereis. - ‘n Bewys van werknemersalarisstrokies van die vorige drie maande. - ‘n Gesertifiseerde bankstaat ter bevestiging van bankbesonderhede. **STAP 2**:  Stuur alle dokumente genoem in STAP 1 na [covid19claims@labour.gov.za](mailto:covid19claims@labour.gov.za) **STAP 3:**  Betaling sal eers kan geskied nadat die voltooide ooreenkoms soos genoem in STAP 1 deur die Fonds en die Werkgewer of Onderhandelingsraad afgeteken is.